وقالت إلهام عبد البديع: فوجئت بإعلان وليد سامي انفصالنا من خلال بوست قام بحذفه لاحقا.

وأضافت: "إحنا اتفقنا نعلن في وقت معين مع بعض، وشايفة إنه تصرف مش حلو منه، لكن هو حذف البوست بعد شوية، ويمكن حس أن الناس ممكن تتدخل والأمور تهدا، ويمكن كانت لحظة عصبية وغضب".

وتابعت: "أنا زعلانة إن الناس كلها بتتكلم على حياتي الشخصية مش عن عمل فني، وزعلانة إن وليد استعجل وأعلن، والنهاردة طالعة أقول إحنا رجعنا خلاص، وشكرا لكل أصحابي المقربين اللي تدخلوا، ومبسوطة من كلام الناس الحلو على السوشيال ميديا".

حزينة من تعليقات الجمهور على الطلاق ولم نسعى للتريند

وأعربت إلهام عبد البديع عن استيائها من اعتقاد البعض أن الإعلان عن انفصالهما كان بهدف عمل تريند للترويج لمسلسل قائلة: "أكتر حاجة ضايقتني لما الناس قالت دي دعاية علشان مسلسل، عندنا عناصر كتير تنجح المسلسل من غير من نسوأ شكلنا قدام الناس بدعاية سلبية، وإحنا شغالين على أغنية للمسلسل كلنا هنغني فيها".

وردا على سؤال هل حدث الطلاق بينهما رسميا أم كان مجرد بوست على السوشيال ميديا، قالت إلهام عبد البديع: "حصل طلقة لكن دار الإفتاء قالت مش محسوبة، واتصالحنا ورجعنا، وهو راجل محترم بيحبني وبحبه، وبنحاول نخلي الحياة حلوة".

وأشارت إلهام عبد البديع أن فارق السن بينها وبين زوجها وليد سامي ليس سبب المشاكل قائلة: "بالعكس هو ساعات بيفكر أحسن مني، وأنا غلطانة إني إتكلمت عن فرق السن".

ولفتت: "في تراكمات من ناحيتي وناحيته، وضغوط الحياة زي أي اتنين متجوزين، لكن مفيش مشكلة بعينها والموضوع في طريقه للحل".

يمكنك مشاركة الخبر علي صفحات التواصل