أجمل أشعار عراقية حزينة ، يعد الشعر العراقي من أجمل الأشعار التي تحمل في معانيها المشاعر والأحاسيس الصادقة، فهي الوسيلة التي يلجأ إليها الشعراء للتعبير عما في داخلهم من مشاعر.

أجمل أشعار عراقية حزينة

اذا كنت من محبي ابيات شعريه حزينة من أجمل أشعار عراقية حزينة تابعوا معنا هذا المقال:

كلهم بلبداية نشوفهم طيبيـــــــــــــن ..
وبعد ايام كلمن يكشف افعاله
جنت الهم سند والي مني رايد شـــي..
كبل ميصيح اسمي اوكف كباله
رفعت شكد بشر وكم شخص مو انسان..
على رجليه وكف وتغيرت احواله
كدامي حبيبي وغالي عني يكــــــــول..
وبس اندار عنه يغير اقواله
كم واحد غدرني وكلت اذله بيــــــــوم..
من يوكع بأيدي أراف بحاله
كم واحد بظهري يحجي بالموزيـــــــن..
واني بكلبي كاعد ابني تمثاله
امدحه من الكرم لليوكع بنص ضيـــــك..
ومن احتاجه راسا يسحب حباله
جذابين كلهم ماوفو ويـــــــــــــــــــاي..
ياهو الي الزمة يطير فياله

أشعار عراقية حزينة

إليكم في هذه الفقرة أجمل أشعار عراقية حزينة وهي كالتالي:

على عناد الگلب ماضل انا بكيفه
لَجبر خاطري واگطع شرايينه
وذا گلبي يجيب الحزن والدمعات
لسد بابه و اقَفّل كل سراگينه
وذا عندي المحنه عبرت ولايات
لعلم الروح ماتمشي بقوانينه
وذا حنت او وَنَّت عاليبيعون
ٲعَوّدها تجافي الي يجافينا
لكن لليحب وبگلبه كل الطيب
وكل همًّه يصبحنه ويماسينا
لبنيله قصر بگلوبنا وبالروح
من ياقوت روحي تشع حياطينه
شگد ثاري احنه غشمه ومانقيم زين
وعلى المامش تعبنه احنه اثارينا…..

اشعار عراقية قصيرة

نورد لكم في هذه الفقرة أفضل اشعار عراقية قصيرة وهي كالتالي:

احبك مو لأن انت حلو…لا
لأن روحي التقت گبلي… ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك

قد يهمك:

شعر شعبي عراقي عن ضيم الدنيا

من بين أفضل أبيات شعر شعبي عراقي عن ضيم الدنيا وهي كالتالي:

مصيبه الدنيا من تدور
وتخلي السبع ينذل
وابو النفس العزيز يكوم
بلمايسوه يتوسل
المابي خير يحجي عليك
ولبي خير مايسأل
المو رجال ع الرجال يتمرجل
هاي الناس عميه عين
الأعوج صار عدهم زين
ويذمون المعدل
الخاين ها لوكت مرتاح
بس الطيب مبهذل
دخيل الله شحملنه هموم
كل غروب نتبلل
سهرانيين من الضيم
ويكولون نتعلل
بشر مو أنبياء الله
حتى هواي نتحمل
هاي الناس ماتنجاس
اسكيها بوفه وتبذل
الجان امنيته يحجي وياي
هسه كبالي يتختل
الما وكفولي وكت الضيج
دين عليهم مسجل
وهيه المشكله
مابيهم اليخجل
بعد مااعاتب اي إنسان
طبعه وياي يتبدل
كلمن يوصله البسمار
خل يتوكل ويزعل

شعر عراقي حزين عن الحب كتابة

من أجمل أبيات شعر عراقي حزين عن الحب كتابة التالي:

غيابك حبيبي شلون أصبر الروح
يا حال إلي ظل على حالي من تروح
جرحك بالكلب داويته بس ما طاب
وبطاري السفر زيدت قلبي جروح
ما أنساك لو سافرت عشر سنين
وشوكت ما ترد باب القلب مفتوح
يمي إنت وأحس بيك بعيد
وأبد ما فكرت يجي يوم مني تروح
صحيح إني كتلك سوي كلشي تريد
بس على البعد كلتلك هذا ما مسموح
النفس إنت الأشم ولو تروح شلون
شلون تريد أعيش إني بلياك
وإني أشتاقلك من إنت موجود
من تبتع أظل لصبح ما أنام
وإذا ما تصدك نجوم السما شهود
أموت إني بغيابك لمن تروح
لن حبك بكلبي ماله حدود
يوم التسافر أحجز لشخصين
لأن ميم بالمية وياك قلبي يروح
وشما تبتعد خليه دوم وياك
أحس ما يظل بروحي بس مذبوح
شي يبقالي بحياتي وإنت ما موجود
بس هم وأذيه وألم وجروح
رسمك كمت أشوفه من أغمض العيون
ولو يعمن عيوني ما أضنه يروح
ما أريد أحظنك لو صار الوداع
لأن من أهدك تطلع الروح
عشكتك وأدري تعبت بحبك
رضيت بقسمتي وملهوفه تدريني
أريد أكضي العمر وياك
تدري إنت بغيابك حيل تأذيني
عيني لما تشوفك تنعمي وللدوم
لأن إنت حبيبي فرحة سنيني
تعال وخل أضمك حيل يهواي

شعر شعبي حزين عن الدنيا

من أفضل أبيات شعر شعبي حزين عن الدنيا التالي:

مرني شمعه الدنيا من دونك ضلام
وروحي ترفه تحب على فيايك تنام
مرني خلي عضاي تتجمع وأڪوم
تره لو ما الجنح ميطير الحمام
مرني ڪلمة وآنا ورقة
وشنو نفع الورق لو ماڪو ڪلام
مرني صخره
وآنا اقنع الروح اڪلها تصير چام ..

شعر شعبي عراقي عن الاشتياق

إليكم في هذه الفقرة أفضل أبيات شعر شعبي عراقي عن الاشتياق وهي كالتالي:

اغار عليك من الهوه لوفات
واحبك مثل باقى اليحبون
ما تلكه اليعزك مثلى هيهات
أنه الشوفتك ضميت العيون
أفرح من اشوفك يوم مرتاح
واحزن من اشوفك يوم مهموم
وإذا صب الدمع من عينك وطاح
اطيح أنه اعله وجهى وبعد ماكوم

انا اشتاگيتلك يالماخذ الروح
ولا ادري بغيابك راح اهم بيك
شسولفلك عليه شلون مشتاگ
خل اسكت حبيبي خاف ابچيك
وحق حبك ياغالي ضايج هوااي
وماارتاح والله الا من احاجيك

شعر عراقي قصير غزل

نورد لكم في هذه الفقرة أفضل أبيات شعر عراقي قصير غزل وهي كالتالي:

عمري ماكلت للناس محتاج
هسه تنازلت محتاج اشوفك
لتكلي الضروف معانده وياي
ضروفي معانده اكثر من ضروفك
من اشتاك احط ايدي على كلبي
اطمن عليك انته بمكانك اذا
عني بعدت معناها ماعيش
لئن كلبي يدك بس اعله شانك

ليغرج لبسهم لاتفرحين…اخاف اعليج باجر يمي تبجين
العشك مو باالمضاهر…ولاهيبه وتفاخر
العشك رايد محنه وناس طيبين
رحتي وعفتي كلبي بحسره محبوس
الخذج بايع احساسه وجيبه متروس
هذا اعله الخيانه مدرس ادروس
باجر يضحك اعليج….بكد ضحكج يبجيج
وللشمات ضحكه انتي تصيرين

شعر عراقي حزين عن الفراق

من بين أفضل أبيات شعر عراقي حزين عن الفراق التالي:

تعال لخاطر الله وخليني ارتاح
من زمان ما شافتك عيني
ولك هم تشتاقلي بالغربه مرات
لو ناسي الذي بينك وبيني
لو تدري الدمع ما فارق العين
ولا قلبي بغيابك مل ونيني
مشتاق اني الك ….. مشتاق اني الك
ولك قلبي محتام
هاي الارض ما توسع حنيني
يا همي وعذابي وحركت الروح
كضيت ويا الحزن اجمل سنيني
هم عود اني اشوفك واكعد وياك
وك ابوس تراب جدمك منتجيني