رد محمد ناجي “جدو” مدرب نادي بيراميدز، على تصريحات أحمد سليمان عضو مجلس إدارة نادي الزمالك والتي أشار فيها إلى عدم تعاون النادي مع الأبيض.

وصرح سليمان بأن هناك العديد من الأندية تتشدد في بعض الصفقات مع الزمالك، كما أن هذه الأندية تصرف الكثير على لاعبيها.

وقال جدو عبر حسابه على “إكس”: “الكابتن احمد سليمان طلع امبارح وهاجم بيراميدز وأندية الشركات قال علامات استفهام علي بيراميدز عشان مش بيدوهم لاعيبة وانهم بيشتروا لاعيبه وأنهم بيصرفوا كتير وبيدخلهم فلوس قليله ومش بيسيبوا لاعيبة تحترف”.

وأضاف: “اولًا بيراميدز أداهم عمر جابر ودونجا وعبدالله السعيد وهما دلوقتي احسن لاعيبه في الزمالك  و هل لو بيراميدز كلم الزمالك انهم عايزين زيزو مثلا الزمالك هيوافق ؟ وماسيبتش زيزو يحترف ليه ؟ ثانيا طبييعي ان بيراميدز يشتري لاعيبه ويقوي القايمة زي كل الفرق".

وواصل: “ثالثا ممكن تقولنا يا كابتن احمد الزمالك بيصرف كام وبيدخله كام وهل بيكسبوا فلوس من الكوره اكيد لا. الزمالك دفع اكتر من مليار جنيه غرامات بس !! ف ممكن تقولنا الكوره في الزمالك بتكسب كام !!”.

وأتم: “رابعا من اول المجلس نجح في الانتخابات وكل لقاء تليفزيوني من اول الرئيس لأصغر عضو بيتكلم عن رمضان وعايزين رمضان صبحي مع انه متعاقد مع النادي لمده تلات سنوات ودي حاجة عمري ماشوفتها في اي حتة في العالم لا في مصر ولا بره مصر ان مسئولين نادي بيتلمكوا عن لاعب في نادي تاني وتعاقدوا ساري لمده ٣ سنوات !! بصراحة انتوا اللي عليكم علامات استفهام !!!”.